Zvicra dhe Shqipëria nisin fazën e re të bashkëpunimit për katër vitet e ardhshme


Questa pagina non è disponibile in italiano. Selezionare una delle lingue seguenti:

Press release, 13.05.2022

Një program i ri bashkëpunimi zvicerano-shqiptar për të cilin Zvicra përkushton fondin prej 105 milionë franga zvicerane, u lançua sot me synim kontributin për demokraci, zhvillim ekonomik, shëndetësi dhe ndryshimet klimatike 

Swiss and Albanian government representatives during the launching of the cooperation programme 2022-2025
Përfaqësues nga qeveritë zvicerane dhe shqiptare gjatë lançimit të programit të bashkëpunimit 2022-2025. © FDFA

Ministrja e Financave dhe Ekonomisë Delina Ibrahimaj dhe Drejtorja e Përgjithshme e Agjencisë Zvicerane për Zhvillim dhe Bashkëpunim SDC, Patricia Danzi, lançuan sot një fazë të re të programit të bashkëpunimit midis dy vendeve.

“Programi i ri i bashkëpunimit midis Zvicrës dhe Shqipërisë është një tregues tjetër e partneritetit të ngushtë midis dy vendeve tona. Shumë është arritur në katër vitet e shkuara. Jam e sigurtë që shumë do të arrihet gjithashtu edhe në katër vitet e ardhshme. Programi i ri bazohet dhe vijon me mbështetje në fushat kyçe të demokracisë, ekonomisë, shërbimeve infrastrukturore dhe shëndetësisë”, tha Ministrja e Financave dhe Ekonomisë Delina Ibrahimaj. 

“Sot jam e gëzuar dhe e nderuar që lançoj me të gjithë ju programin e ri të bashkëpunimit zvicerano-shqiptar 2022-2025. Partneriteti është tipari thelbësor i bashkëpunimit tonë. Shumë nga ju – qeveria shqiptare, shoqëria civile, sektori privat, partnerët për zhvillim – morën pjesë në përpunimin e këtij programi të ri të bashkëpunimit. Ju falënderoj për kontributin. Ne kemi një pronësi të përbashkët të këtij programi. Ne gjithashtu shohim përpara drejt zbatimi të tij së bashku”, tha Drejtorja e Përgjithshme e Agjencisë Zvicerane për Zhvillim dhe Bashkëpunim SDC, Patricia Danzi.

Në aktivitetin lançues ishin present disa ministra të qeverisë, deputetë, dhe kryetarë bashkie, ndërsa delegacioni i qeverisë zvicerane përfshiu si përfaqësues nga Sekretariati Zviceran i Shtetit për Çështjet Ekonomik SECO, Z. Martin Saladin, Drejtues i Operacioneve.

Sipas programit të ri të bashkëpunimit (PDF, 44 Pagine, 10.4 MB), Zvicra përkushton 105 milionë franga zvicerane për mbështetjen e qeverisjes demokratike, zhvillimit ekonomik, shërbimeve infrastrukturoe dhe ndryshimeve klimatike, dhe shëndetësisë në Shqipëri. Ai mbulon periudhën 2022-2025 dhe do të fokusohet në reforma dhe rezultate në fushat e demokracisë, shtetit ligjor, klimës së biznesit dhe kushteve të jetesës për qytetarët.

Zvicra është një nga partnerët dhe donatorët dypalësh më të rëndësishëm për Shqipërinë veçanërisht në fushat e qeverisjes demokratike, mbështetjes makroekonomike, dhe shëndetësisë.